Werger: Xulamê Mîr
 
Kurdish Magazine

Wek hûn dibînin, ji zikmakî destê min ê rast ê bê tilî ye û lingê min ê rast ê, ji yê çepê kintir e. Hestûyên lingê min şikandin, bizmar çikandin hestûyên min. Ne tenê bizmar, ji bo xwe bigire têl jî kirine lingê min. Ez bi vî awayî dimeşîm. Ji bo lingê min ji hêz nekeve divê her tim bişixulin. Pirs dikin; ‘’Diêşe?’’ Erê, diêşe, lê ez tiştên ku dikarim difikirim nayên ku nikarim (?) Ez dixwazim ji we re serkeftina dijî astenga bêjim. Astengên hemû kesî hene, seqetî, pirsgirêk… Biryara xwe bidin: an astengên zora we bibin, an hûn ê zora wan bibin. Belkî we Jim Abbott bihîstiye. Lîstikvanê beyzbolê bû. Wî xelata zêr ya olîmpîyadê stand. Tîmên wek Yankees, The Angels de lîst. Pir serkeftî bû. Bi destekî bû. Wextê zarok bû, rojekê bi hêrs hate malê got bavê xwe;’’ji bo ez bi destekî me zarok nahêlin ez beyzbolê bilîzim.’’ Bavê wî got; ‘’Zarok ji bo tu nizane beyzbolê nahêlin tu bileyîzî. Tu nikarî destekî çê bikî, lê tu dikarî nezanîna xwe xilas bikî.’’ Bi bavê xwe re pratîk kir û pêşket. Ew dijî astengan bi ser ket. Ji bo ku destê wî yê rastê nîne, hewrikê wî hewl didan êrîşê milê wî yê rastê bikin, lê ji bo ku wî xwe amade kiribû û pêşketî bû hevrikê wî tu car bi serneketin. Di seqetîyê de tu rûreşî nîn e. nahêlim tu kes henekê xwe bi seqetbûna min bike û dilê xwe bi min bişewitîne. Ez nahêlim bo astengên min, kes dilê xwe bi min bişewitîne. Ez dê bêhtir bixebitim, bêhtir bileyizim, zêdetir pêş bikevim û bi serkevim. Sezona dawîyê di tîma zanîngehê de min dest bi lîstika basketbolê kir û min xelata Rookie of the year stand. Di tîmê de lîstikvanê herî serkeftî ez bûm.

Tişta herî kenê min dianî, herkesî li gor dîtina xwe ez dinirxandim. Digotin; ‘’li vî yê bi destekî biniherin, ez vî di tîma xwe de naxwazim.’’Lê wan nizanî bû ne tenê seqetîya min heye, ez pir jêhatî me. Sezona çûyî de tîmekê ku berê me maç nekiribû rastê me hat. Berî lîstik dest pê bike, henekê xwe bi min dikirin. Ew ji tîmê me dirêjtir bûn, pêşî li dijî min hêdî lêyîstin. Wan ji xwe re digot:’’ewê bi destekî ma wê çi bike?’’ piştî min vala hiştin. Min hejmar avêt, careke din pêşîya min vala hiştin. Min hejmareke din avêt. Lewma pir zora wan çû, fol li min kirin. Min du hejmarên din avêtin. Dûv re navber xwestin. Di navberê de min bihîst, antrenorê wan bi wan pev çû:’’çawa ewê bi destekî zora we dibe?!’’  piştre jî dêla yekî du kes hatin dijî min. Hemû derbarê serkeftina li dijî astenga ye.  rast e, ez seqet im. Lê seqetîyên we jî hene. Jêhatîbûna min jî heye yên we jî. Astengîyên her kesî hene. Hinek wekî ya min xuya ne, hinek ne xuya ne. Belkî astengîya we hûn ji taxeke xizan tên. Belkî dibêjin;’’tu bi kêrî tiştekî nayê!’’ wan derewker derxe. Belkî astengîya te, hînbûna te ya seqetbûnê ye, dibêjin tu nekêr î. Wan derewker derxe. Belkî te li gorî cermê te an rewşa malbata te biçûk dibînin. Wan derewker derxe. Gelek kesan dizanim, li min dinerin û biçûk dibînin. Dibêjin:’’ev zarok nikare basketbolê bileyîze. Bi destekî û bi lingekî ye.’’ dema hinek te li dijî astengan nekêr bibînin, wan derewker derxe.